ബംഗളൂരു: കര്ണാടകയില് ഇത്തവണ അധ്യയന വര്ഷം മേയ് 29ന് തുടങ്ങുമെന്ന് വിദ്യാഭ്യാസ വകുപ്പ് അറിയിച്ചു. സ്കൂൾ തുറക്കുന്നത് സംബന്ധിച്ച് സമൂഹമാധ്യമങ്ങളിൽ വ്യാപകമായി വ്യാജ പ്രചാരണം നടക്കുന്നതിന്റെ പശ്ചാത്തലത്തിലാണ് കർണാടക വിദ്യാഭ്യാസ വകുപ്പിന്റെ പ്രതികരണം.
സി.ബി.എസ്.സി, ഐ.സി.എസ്.സി ഉൾപ്പെടെയുള്ള സ്കൂളുകളില് വേനലവധി ജൂലൈ 15 വരെ നീളുമെന്ന തരത്തില് നിരവധി സന്ദേശങ്ങള് രക്ഷിതാക്കളും അധ്യാപകരുമടങ്ങുന്ന വാട്സ്ആപ് ഗ്രൂപ്പുകളില് പ്രചരിക്കുകയും ഇത് ആശയക്കുഴപ്പമുണ്ടാക്കുകയും ചെയ്തിരുന്നു. തുടർന്നാണ് വിദ്യാഭ്യാസ വകുപ്പിന്റെ ഔദ്യോഗിക പ്രഖ്യാപനം.
മറ്റു സംസ്ഥാനങ്ങളില് മഴമൂലം വിദ്യാഭ്യാസ സ്ഥാപനങ്ങള് തുറക്കുന്നത് വൈകുമെങ്കിലും കര്ണാടകയില് മേയ് 29ന് സ്കൂളുകള് തുറക്കുമെന്ന് ഡെപ്യൂട്ടി ഡയറക്ടര് ഓഫ് പബ്ലിക് ഇന്സ്ട്രക്ഷന് (ഡി.ഡി പി.ഐ) ഓഫിസര് കെ. ഗണപതി പറഞ്ഞു. എല്ലാ അധ്യാപകരും മേയ് 29ന് സ്കൂളില് ഹാജരാകണം. പ്രവേശനോത്സവം മേയ് 30ന് നടത്തണം.
ഇത്തവണ അധ്യയന വര്ഷം മേയ് 29ന് തുടങ്ങി 2026 ഏപ്രിലില് അവസാനിക്കും. അർധ വാര്ഷിക പരീക്ഷ, ദസറ അവധി, വേനലവധി എന്നിവയടക്കം 123 അവധി ദിവസങ്ങളും 242 പ്രവൃത്തി ദിവസങ്ങളുമാണ് പുതിയ അധ്യയന വർഷത്തിലുള്ളത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
